XX. mendeko Euskararen Corpus estatistikoa
Testuingurua
Baiñan goazen gaurkoz Lafitte jaunaren itza entzutera; ez diot honoko honetan ere itz bat erantsi, eta ikurtxo bat ere ez.
Euskeraren batasuna nere esku balego, diozu? esaten dit. Literatura-izkuntzaren bateratzea ezin izan diteke gizon baten eskuetan jartzeko lana
.
Nere ustez idazle moltzo batek egin behar du lan hau
.
Bainan idazle-irakurtzailedunak behar dute izan, eta ez batere beren xokoan, berentzat eta bere iduri bakarrentzat ari direnak izan behar; ots, gai jakingarri errexak derabiltzatenak nahi nituzke jostagarriak edo baliosak, baiñan beti atsegiñak, erritar gehienen gogokoak, arrokeri gutxikoak
.
Idazle hoiek behar lukete epai-buru bat gidari
.
Honek esan lezakete zein itz berpiztu edo zein itz berri erabili zenbait illabetez ez purruztan, baizik poliki-poliki; irakurlea oartu gabe onartu ditzan
.
Epai-buruak enkuestak egin lezazke irakurle gehienei zer atsegin zaien ikusteko, bai gaiez eta baita izkuntzaz ere
.
Bazter lezazke zaharkeriak, eta baita ezin sartuzko berrikeriak
.
Ots, gida litzazke euskera irakurleentzat izan dedin, eta gisa hontan euskaldunentzat
.
Onetxegatik, oroi beti mintzaira bat ez dala bultza bezela moldatzen eta eskukatzen: izate biziaren pare erabilli behar da, artezki, eta ez indarrez bestela, begirune aundiarekin
.
Alere, itz gehiegi delarik, uste dut bakandu behar dela adar alperrez ez dezaten kalte egin
.
Baiñan ez dut aski esaten: goazen ikusiz!
.
Badakit anarkiari zenbaitek askatasuna esaten diotela, eta batasunari diktadura, nik ez dut itz hoien ajolarik
.
Euskera nahi dugu nolabait bizi-arazi; hortan da guzia
.
- Orain arte urten diran elkar-izketan irakurriko ziñuan, noski (esan nion, eta gero galdetu): zer derizkiozu batasuna gai dugula darabilkizkigun nahaspilla hoietaz?.